Historia

Beste herri batzuen antzera, Mungian ere 1965 urtearen inguruan lehen batzar “klandestinoak” hasten dira Ikastola sortzeko.

Lehen taldea sortzen da 7 ikaslerekin,  ESCUELA PARROQUIAL LARRAMENDI izenpean Elizak utzitako lokaletan. Mungiako parrokoak ematen zion babes “legala” nahiz eta guraso eta irakasleen artean antolatzen zen Ikastola.

Hiru irakasle eta 98 ikasle ditu Ikastolak.

Nahiz eta ESCUELA PARROQUIAL izen ofiziala izan Ikastola izena hasieratik erabili zen.

Dena zegoen egiteko: egitura, materiala, antolaketa, …  baina imajinazioa eta muga gabeko inplikazioari esker aurrera egiten da egunero. Ministerioko inspektoreek ez zuten “lana errazten”.

Dirua lortzeko, festibalak, Olentzero, txosnak eta bestelako ekitaldiak antolatzen ziren.

Toki eta diru arazoak larritu egin ziren eta Ikastola bertan behera geratzeko arriskuan egon zen.

Askoren inplikazioari esker aurrera egitea lortzen da eta ikasgelak parrokiaren lokalez gain herriko lokaletan atondu ziren.

Proiektua handitzen doa eta 1978an Mungiako Llona auzoan, txerri granja bat erosi eta Ikastola bertara eramateko prozesua hasi genuen. Pabiloiak atondu ziren guraso, langile eta herritar boluntarioei esker.

1978an irteten da 1964an jaiotakoen 10 ikasleko lehen promozioa 8.maila osatuta.  Hauek eta 1965an jaiotakoek ezin izan zuten batxilergoa egin Ikastolan.

Proiektua aurrera joateaz gain handitzen doa eta 1978an Mungiako Llona auzoan, txerri granja bat erosteko aukera agertu, eta Ikastola bertara eramateko prozesua hasi genuen. Granjako pabiloiak atondu egin ziren meritu handiko guraso, langile eta herritar 

“LARRAMENDI IKASTOLA KOOPERATIBA” sortu zen kurtso bakoitzeko (3 urte-8.maila)  talde batekin.

Lehen promozioa irteten da Ikastola berritik batxilergoko ikasketak amaituta.

Euskal Eskola Publikoaren ondorioz sare kontzertatua eta sare publikoaren arteko erabakia hartu beharrean aurkitzen gara. Tentsio handiko momentuak bizi ondoren sare kontzertatuan jarraitzeko erabakia hartzen da.

“Erdu geugaz” lelopean Ibilaldia Mungian ospatu zen 1998ko Maiatzaren 31an. Urte osoko lanaren ondorioz, arrakasta handia izan genuen eta lortutako diruarekin eraikin berri bat altxatu zen.

Ikastola handitzen doa, hiru lerro finkatzen dira eta Bizkaiko ikastola handienetariko bat bihurtzen gara. Instalazio aldetik ere ikastola handitu eta egokitu egiten da. Eragin eremua ere zabalduz doa.

Egunero Alkarregaz lelopean Ibilaldia antolatu genuen bigarren aldiz. Maiatzaren 27an ospatu zen egun handia.

Marka gogoeta prozesu baten ondoren, nortasun berria estreinatu genuen Alkar ekin, mundurako hezi lelopean.

Ikastolak Hezkuntza proiektua eguneratu du, pedagogia berrietara egokituz. Kanpo eta barne espazioak ere hori posible egiteko moldatu dira: talde lana, malgutasuna, autonomia,...