2. Batxilergoko Biologiako ikasleek apirilaren 25ean Plentziako Itsas Estaziora (PIE) egindako bisita.

Plentziako Itsas Estazioa EHUko goi mailako ikerketa eta irakaskuntza zentro bat da. Plentziako sendategi zaharrean dago, eta itsas ingurumenaren osasuna eta itsas ingurumenak giza osasunean duen eragina ditu aztergai.

Zehazkiago, itsas ekosistemen osasunarekin, ingurumen alterazioek giza osasunean dituzten eraginekin eta itsasoko biobaliabideekin loturiko ikerkuntza eta prestakuntza sustatzen ditu.

Gure ikasleek, bertan, itsasoaren osasunarekin eta kutsadurarekin lotutako baliabide guztiak aztertzeko aukera izan dute laborategi ezberdinak, espezie ezberdinak, metodologia ezberdinak, etab. bisitatuz. Aukera paregabea gure ikasleek errelitatea hurbilagotik ezagutzeko.